اسلام آباد۔ 28 اگست (اے پی پی) اینٹی نارکوٹکس فورس (اے این ایف ) 6 جتا کارروائی تیٹی اسہ کروڑ روپئی آن زیات مالیت نا 137 کلومنشیات دوئی کرسا زالبول تون اوار 6 دوبہ دار آتے دزگیرکرینے۔ اے این ایف نا ترجمان نا رداٹ 24گھنٹہ ٹی اےا ین ایف راولپنڈی ٹی کوریئر آفس اٹی آسٹریلیا غا گدریفوک آ پارسل آن 8.7 کلوآئس دوئی کرینے۔ کرم ایجنسی آن 88.3 کلوچرس دوئی کننگا، دالبندین چاغی آن 30 کلوافیم دوئی کرے۔ راولپنڈی ٹی زالبول تون اوار 2 دوبہ دار آن 2.4 کلوگرام چرس دوئی کرینے۔ راولپنڈی ناخڑک ایلو کارروائی ٹی 2 دوبہ دارآن 7.2 کلوچرس و 29 نشئی ءُ گولی دوئی کرینے۔ موٹروے اسلام آباد نا کڑک دوبہ دارآن 1.2 کلوگرام چرس دوئی کرینے۔ دزگیر دوبہ دار نا برخلاف منشیات تور ایکٹ انا رداٹ مقدمہ نوشتہ کرسا مستی جاست وپاست نا بناءِ کننگانے۔
