اسلام آباد۔ 24 اگست (اے پی پی) ایران نا شار یزد اٹی بس شکست اٹی زوال کروک آ 28 پاکستانی زائر آتا میت آتے خصوصی جہاز انا کمک اٹ جیکب آباد آ سرکننگا ہراڑے صوبائی وزیر ناصر حسین شاہ و دفترخارجہ نا ڈائریکٹر جنرل لیزان آفس کراچی عرفان سومرو میت آتے ہلکر۔ دفترخارجہ نا کنڈآن جاری بیان نا رداٹ ایران اٹی 20 اگست آ مروک آ دا بس شکست اٹی ٹھپی مروک آ12 پاکستانی زائر آتے ہم ہندا خصوصی جہاز انا کمک اٹ پدی اتنگانے۔ وطن واپسی آن مست یزد بالی پٹ آ گورنر مہران فاطمی و امام جمعہ میت آتے روانہ کرے۔ دفترخارجہ نا ترجمان پارے کہ نن ایرانی کمامدار آتا منت وارا ُن کہ اوفک پاکستانی زائر آک شکست زہمی تے ریسکیو کریر و اوفتا وطن آ واپسی ٹی پورو کمک کریر۔ اوشکست اٹی زوال کروک آ بندغ آتیکن بخشش نا دعاکرے۔
