اسلام آباد۔ 09 ستمبر (اے پی پی) بنجائی وزیر امور کشمیر ، گلگت بلتستان و سیفران و صوبائی صدر مسلم لیگ ن خیبرپختونخوا انجینئر امیر مقام پارینے کہ الس پی ٹی آئی نا جلسہ ءِ مسترد کرے، پی ٹی آئی سیاسی جماعت اس آخا بلکن انتہاپسند گروپ اسے۔ دوشنبے نادے آ اسلام آباد اٹی پی ٹی آئی نا بے سہب جلسہ غا ردعمل ترسابنجائی وزیر پارے کہ الس پی ٹی آئی نا جلسہ ءِ مستردکرے۔ بے سہب السی اجتماع نا سوب آن پی ٹی آئی راہشون مایوس خننگارہ۔ بنجائی وزیرپارے کہ پی ٹی آئی نا بانی نا ماربرطانیہ ٹی رہینگوک ءِ وخت اس کہ ایلوفتا چناتے پھسات آ ہشکا تننگ ءِ، مخلوق چاہک کہ پی ٹی آئی مرکز اٹی3نیم سال و صوبہ کے پی ٹی 11 سال زیان کرے۔ انجینئر امیر مقام پارےکہ پی ٹی آئی نا جلسہ ٹی بشخ ہلوک آک پولیس آ خل خسار، پی ٹی آئی سیاسی جماعت اس آخا بلکن انتہاپسند گروپ اسے۔ بنجائی وزیرپارے کہ پی ٹی آئی ملک انا شونہالی آن بدبیسہ ءِ ہرانا سوب آن 9 مئی ءِ دُوارہ خوارہ، 9 مئی نا ہڑدڑ پی ٹی آئی نا منفی ایجنڈاءِ بے نقاب کریسس، 9 مئی آ سول ، سرکاری ماڑی و دفاعی تنصیب آتیا جلہو آک جلہوگیر آتا وحشیانہ ذہنیت ءِ بے نقاب کریر۔ بنجائی وزیرپارے کہ کانود نا اطلاق غٹ آ اسہ وڑ بایدے مرے و داوڑنا گام گیج آتا زموار آتے سخت نتیجہ غاتون بایدے مون تننگے۔ اوپارےکہ وزیراعلیٰ خیبرپختونخوا وخت زیان ءِ کننگ نا جاگہ غا صوبہ غا چکارکے، کے پی حکومت نا تینا وزیر آک کرپشن و ہیبدار گورننس نا برخلاف ہیت کننگ نا بناءِ کریر۔
