اسلام آباد۔ 21 اگست (اے پی پی) اسپیکر قومی اسمبلی سردار ایاز صادق ایران نا شار یزد اٹی پاکستانی زائر آتا بس ءِ پیش بروک آ شکست اٹی مروک آ جونی نسخان آ ڈکھیائی وا ست ہسونی نا درشانی ءِ کرینے۔ چارشنبے نادے آ تینا اسہ بیان اسے ٹی اوبس شکست اٹی زوال کروک آبندغ آتا خاہوت آتون ہمدردی و ہڑزخواہی نا درشانی ءِ کرے و پارے کہ ڈکھیائی نا داساہت اٹی غمزدہ خاہوت آتا ڈکھیائی ٹی بریبرنا شریک اُٹ۔ اسپیکر شکست اٹی زوال کروک آتا بخشش و خاہوت ءِ صبر وجمیل عطاکننگ نا دعاکرے۔ اوٹھپی تے زوت دراخ جوڑی کن ہم دعاکرے۔
