اسلام آباد۔ 25 اگست (اے پی پی) اسلام آباد نا ضلعی انتظامیہ پنچ دے ئی انسداد پولیو مہم 9 ستمبر آن بناکننگ نا فیصلہ کرینے۔ ڈپٹی کمشنر اسلام آباد عرفان نواز میمن انسداد پولیو مہم نا بست وبند آتا جاچ ءِ ہلنگ کن دیوان نا کماشی ءِ کرے۔ آئی سی ٹی نا ترجمان نا رداٹ دیوان اٹی ڈسٹرکٹ ہیلتھ آفیسر (ڈی ایچ او) ڈاکٹر ضیغم ضیاء، ایڈیشنل ڈپٹی کمشنر (اے ڈی سی) ایسٹ و ایلوفک بشخ ہلکر، مہم نا ہدف مچ آ ڈیہہ اٹی 421،455چناتے پولیو آن بچفنگ نا پڑی کُنفنگ نا ءِ۔ بنائی ریسہ 9 ستمبر آن 13 ستمبر اسکان چلینگک، 14 و 15 ستمبر اسکان ایلو رہینگوک آ چناتے پولیو نا پڑی کُنفنگک۔ دیوان نا اسہ اہم فوکس پولیو ٹیم تا سیکورٹی ءِ ہرا شار اناہرعلاقہ و اُرااُرانا احاطہ کننگ کن ڈور ٹو ڈور وزٹ کیک۔ شاری تیان خواست کننگک کہ او ٹیم آتون کمک کیر و تینا چناتے المی پولیو ناپڑی کُنفنگ ءِ پک کیر۔ داگام پولیو نا چٹفنگ کن اسلام آباد نا برجاکوشست آتا بشخ ءِ ہرانا مسخت رکھی ٹیکہ غاتا پورو کوریج و پولیو آن پاک آخبت ءِ۔
